ڈیرہ اسماعیل خان(محمد فضل الرحمان ) گومل یونیورسٹی کے رجسٹرار دل نواز خان نے کہا ہے کہ میری ٹیم اس مادر علمی کی بہتری کے لیئے تمام وسائل بروئے کار لارہی ہے۔ تمام شعبہ جات کے اہلکار ایمانداری سے اپنے فرائض کی بجا آوری جاری رکھیں صوبائی حکومت کی جانب سے 14 کروڑ روپے گرانٹ کی منظوری پر ہم وزیر اعلی پرویز خٹک۔ وزیر مال سردار علی امین خان گنڈہ پور ۔ وزیر اعلی کے پرنسپل سیکریٹری اور صوبائی کابینہ کے مشکور ہیں ان خیالات کااظہار انہوں نے گومل یونیورسٹی کے انتظامی افسران کے اجلاس سے خطاب کرتے ہوئے کیا گومل یونیورسٹی کے ڈائریکٹر اورک پروفیسر ڈاکٹر اللہ نواز خان ۔ ڈائریکٹر کوالٹی انہاسمنٹ سیل پروفیسر ڈاکٹر محمد عمران ۔ ڈائریکٹر فنانس اقبال اعوان ۔ ایڈیشنل ڈائریکٹر پی اینڈ ڈی اول زمان خان۔ ایڈیشنل ڈائریکٹر ایڈمنسٹریشن محمد شعیب گنگوہی ۔ ڈپٹی رجسٹرار ریاض بیٹنی ۔ ظاہر شاہ اور دیگر حکام بھی اس موقع پر موجود تھے۔ اجلاس میں یونیورسٹی کے شعبہ امتحانات۔ شعبہ تعمیرات۔ شعبہ داخلہ۔ شعبہ تحقیق اور انتظامیہ کی کارکردگی کا جائزہ لیا گیا اور انہیں مزید فعال بنانے کی تجاویز پر غور کیا گیا۔ اس موقع پر رجسٹرار نے کہا کہ عرصہ دراز سے 14 کروڑ روپے کے گرانٹ کے حصول کے لیئے کوشیش جاری تھیں جسکی تکمیل قابل ستائش ہے انہوں نے کہا کہ وفاق سے بھی مالی مشکلات کے حل کے لیئے ایک کمیٹی قائم کی جائے گی جو مولانا فضل الرحمان سے ملاقات کرے گی اور ہمیں توقع ہے کہ وہاں سے بھی ہمیں اس سے بھرپور مدد میسر ہوگی انہوں نے کہا کہ ہمارا اولین مقصد گومل یونیورسٹی کی ترقی ہے اس مشن میں ہم کسی قسم کی رکاوٹ برداشت نہیں کریں گے یونیورسٹی میں قوائد و ضوابط سے ہٹ کر کوئی کام نہ کیا ہے نہ کریں گے اعلی حکام کی ہدایات کی ہم مکمل پاسداری کریں گے انہوں نے کہا کہ اصلاحاتی ایجنڈہ کے ثمرات صوبائی حکومت کی جانب سے 14 کروڑ روپے کی گرانٹ کی منظوری کی صورت میں مل چکے ہیں مزید فنڈز بھی اس مادر علمی کی ترقی کے لیئے لائیں گے اور مالی خوشحالی۔ تعلیمی ترقی اور ملازمین کی بہتری کا تسلسل جاری رہے گا۔اس موقع پر گفتگو کرتے ہوئے انتظامی افسران نے کہا کہ گزشتہ پانچ ماہ میں یونیورسٹی جس تیزی سے ترقی کی جانب گامزن ہے ماضی میں اسکی مثال نہیں ملتی اور اس کا تمام تر کریڈٹ وائس چانسلر کے اعتماد کے حامل رجسٹرار اور انکی ٹیم کو جاتا ہے ۔
